Aaj yon muskura k aye ho
Jese sab kuch bhulaa k aye ho
 
Ye nishani hai dil k lagny ki
Ye jo tum aaj... ja k aye ho

Bhool kr b jis trah koi aye
Shehr me yon wafa k aye ho

  Q jhapakti nahi meri ankhain
Chandni me nahaa k aye ho

Dil samundar me chaand sa utra
Kesi khushbu lga k aye ho

Subha ki avleen kiran ki trah
Raat saari jaga k aye ho

Koi jhonky se kis trah poochy
Kitni shammain bujha k aye ho

Aa gye ho to aao, Bismillah..
Dair lekin lga k aye ho

Be’kali is qadar Q Amjad
Kya kahin kuch ganwaa k aye ho