Dil ki baat laboN pr la kr
ab tak hum dukh sehte haiN
Hum ne suna tha is basti me
dil waaly b rehte haiN

Beet gya saawan ka mahina
mosam ne nazraiN badleeN
Lekin in pyasi ankhoN me
ab tak aaNso behte haiN

Ek hamaiN awara kehna
koi baRa ilzam nahi
Dunia waly dil waloN ko
or bohat kuch kehte haiN

Jinki khatir shehr b choRa
jin k lye badnaam hoe
Aaj wohi hum se be'gaany se rehte haiN

Wo jo abi is raah guzar se
chaak garebaaN guzra tha
Us awara deewane ko
‘Jalib’ ‘Jalib’ kehte haiN